F. A. Santori në dritën e disa të dhënave të reja biografike

Të Frangjisk Andon Santorit, të murgut Santori, të françeskanit Santori, të varfrit Santori, nuk i dihet vendi ku e varrosën dhe as i njihet fytyra: jo një varr, jo një fotografi, jo një vizatim; dyshohet edhe për shtëpinë ku lindi në Picili dhe për atë ku ai jetoi në Sënd Japk. Në jetën e tij, si njeri dhe si shkrimtar, kurrë nuk u vetpromovua dhe as vetpromovoi veprën e tij, siç kanë bërë shkrimtarë të tjerë të asaj kohe. Shumë pak dihet edhe për jetën e tij private si edhe për vuajtjet që përjetoi pas rënies së Mbretërisë së Napolit, pas mbërritjes së “pushtuesve” piemontezë, pas mbylljes së kuvendëve dhe konfiskimit të godinave me pasuritë e tyre. Nga leximi i një pjese të panjour të letërkëmbimit të tij me De Radën, dhe falë një përkimi të rastit, kemi tani mundësi për të shtuar disa të dhëna të reja për biografinë e tij dhë për jetën e tij pas vitit 1860, diçka që tregon një zhvillim të mëtejshëm deri në ditët e sotme.